Magosto adiantado, non vaia ser que se nos pase o tempo.

 

  Novembro leva un dos días grandes para a cidade de Ourense polo que cada ano nós non podemos deixar pasar a oportunidade de celebrar o noso Magosto, o cal acostuma ser un dos que dá o pistoletazo de saída na contorna.

 Tras duns días de intensos preparativos, a tarde deste pasado xoves encheuse de lume, chourios e castañas.

 Acompañounos moito o clima, asique a participación foi masiva e moita xente se animou incluso a botarlle unhas pezas.

 Coma sempre que hai algunha paparota as opinións de todo tipo apareceron, mais neste caso semella que houbo certa unanimidade en considerar que os chourizos e o chocolate quentiño da sobremesa estaban boísimos. 

 Quedamos con moitas ganas de máis e escoitouse varias veces que había que "facer unha merendola polo menos unha vez ao mes".